Luul waxay ahayd qof ilaahay huwiyey quruxdii aadamiga oo dhan, dhererka iyo indhaha waawayn, sanka qoron iyo bushmaheeda qofkasta oo dayma saara, waa mid la ashqaraaraya. Intaas waxa u sii dheer kaftanka, hadal macaanida waxad is dhahaysaa Af-Soomaaliga iyada kaliyaa miyaa la baray. Anigu se waan ka duwanahay iyada. Waxan ahay nin ilaahay hal meel isugu keenay balwadihii adduunka yaalay oo dhan, haba sii kala darnaadeen eh. Tan ugu daran ee dadkii igu dayriyeen waa saamalaylka iyo hurdada badan. Heer aan aayaddii qur'aanka Eebbe is daba mariyey ee ahayd " Habeenkiina seexda, maalintiina shaqaysta" aniga maalintii waa i habeen, habeenkiina waa ii maalin!!! Barashadayadu waxay ahayd mid si kadis ah ku bilaabmatay, se umalayn maayo inay si kadis ah ku dhammaan doonto...
Kafatan iyo xiise ba'an baan bilihii u danbeeyey is waydaarsanaynay, taasoo noo dheeratd hadyadaha iyo hawi badalashada aan meelaha lagu dalxiis tago ku tagaynay..
Waxay gaartay aammintii u dhici lahaa meherkayagu ani iyo luul kaas oo aan anigu u arkaayey mid deg-deg ah oo ay luul dabada ka waddo. Goorsheegtu nala balamay waa 7: 00 abaaro Subaxnimo. Waxan leeyahay caadooyin muddadii u danbaysay ani iyo Luul si Maxdi ah hadh iyo habeen isugu dhici jirnay, sababtuna wax kale ma ahayn ee waxay ahayd Saamalaylka aan naftayda uga caal la'aa muddadii iyo sanadihii tagtada ahaa!!! Goorsheegtu marka ay ahayd 9:30 barqanimo baan aniga oo aad moodid inaan xalay oo dhan garoonka Xawaadle ku ordaayey daal awadiis ah indhaha bilig kasiiyey. Falaaraha qorroxdu waa kuwa ugu dhacayey si daran sariirtayda, qofkuna hurdaba aan ladi kareen, marka ay fallaarahaasi ishiisa ku dhacaan.. aniguse hurdada awooddeeda baa ilowsiisay.. waxan judhiiba isku boobay dhowr su'aalo ay kamid ahaayeen: saaka Ayeeyo kuuma iman miyaa? Teleefanku miyuu kaa damay? Soo adigii ballanta lahaa!!! Naftaydii ayaan canaan kula dul habsaday! Imisaan kulahaa saamalaylka iskaddaa? Wakaase ka xaaxaabi! Tiigsigii aan tiigsaday moobilka waaba luul oo 20 miisikool kor u dhaafaya isoo garaacday!! Ceebay tacaal!!!!!! Bal hadalka xaggee ka bilaabaa? Maxaan dhahaa, ninkaygii waynaa ee Meherka iyo aroos adduun gali lahaa? Ninkaygii waynaa qof bini-aadam masuuliyadiisii qaadi lahaa????? Ma garanayo su'aalahaas jawaabidooda meel aan ka doono..
Halhaleel iyo orod ku xidhay suudh aan xalay soo ammaahday, ma cadar baan ka gaarayaa! Tolow yaa shimbir iga dhiga, aan duulee! Marka aad dagdag santahay wakhtigu wuu yaraadaa, dhulkuna wuu soo ururaa! Maxaad raacin baan judhiiba maskaxdayda kusoo dhacday? Bas miyaad raacdaa? Mise Taxi? Taksiguna hadduu ku dhahayaa lacag badan keen, khushi, u haadi gaadhi fujis ah oo midab cas leh. Salaan xattaa ma karayo, si kulul baan ugu dhawaaqay erayo kulkulul oo canaan hawayn, "inana dadaji oo xawaarana ku soco garoonkii diyaaradaha igay". Inta uu yaabay buu yiri haye, walaal. Isla maanta marka uu meherkayagu dhaco waxay ku beegnayd maalintii ay ka dhoofi lahayd waddanka Luul, oo ay markii horaba Dalxiis u soo gaadhay dalkii Hooyo.......
Nasiib darro luul way dhooftay, waxayna ka dagtay carriga Ingriiska, oo ay hadda ku nooshahay. Khaladkasta oo aan kagalay iyada waxan dusha u saaray saamalaylka baas ee cudurka iyo aafada ba'an igu haya..
Waxan sugayeyba saacaduhu way dhammaadaan, maalin cusub baa dhalata, heer uu sannad cusub iigu dhasho sugi taankii Luul. Waan faraxsanahay hadda, haa, waayo waan ilooway Luul. Marba hadday go"aansatay Luul inay si fudud noloshayda iiga saartay, waa danbi iyo khalad aan naftayda ku ciqaabo, waxan ugusii dhaganahay Luul Jacaylkeeda..
Afeef wixii aan khaladay hab-qoraalka waan ka afeefanayaa..
- W/Q: Suldaan Mohamed Abdulahi
Comments
Post a Comment