Saaxiib macaan suldaan.....
Maxaa suldaan nolosha ku haya oo u jidaysiiyaa? Ma jacaylka? Quruxda? Buugta? Muusiigga? Mise waa ruuxda? Ruuxda ay adagtahay inaan jawaabo u helno kumanaanka shaki ee ku xeeran awgeed?
Mar haddaad fariintan akhrineysid waxaan dareemayaa in jawiga guud wanaagsaneyn. Lakiin waxaan hubaa inay murugaduna ay tahay inay ku jirto nolosha qofka; si uu ugu hiloowo nabadda xasiloonida iyo nolol midab leh..
Nolosha maalin walba ma ahan mid u iftiinta hal qaab iyo isla faahfaahintii shalay, arimuhu sida ay yihiin ma ahaanayaan had iyo jeer. Wajiga koonkana waa mid gadgaddoon badan, qayb walba oo jiritaankiisa kamid ahna waa la cusboonaysiiyaa daqiiqad kasta; innaguna sidaas oo kale ayeynu nahay! Aniga, adiga iyo dhammaanteenba caalamku dib ayuu noo qaabeeyaa marwalba sida cajiinka dhoobada, wuu na shiidaa kadibna noo adkeeyaa si aan ugu soo baxno nooca ugu quruxda badan.
Waa inaan la kulanaa gubasho; si ay inoo nadiifiso oo u ifno.. in la baabi'yo mugdiga waddada aan muuqan lana sii wadaa safarka Sida maalmuhu u baahan yihiin. Illaa wax waliba noqdaan kuwo muuqda, hufan oo dhalaalaya kan aan nolosha ku guban suldaanoow, wuxuu dhintaa bilaa iftiin, bilaa dhalaal iyo aad la'aan..
Marnaba ha hilmaamin balanqaadyada saaxiib. Waaan jeclahay balanqaadayada wiliba kuwa Eebbe.
"Culays walba fudayd baa ka dambeeya". Awoodda guud iyo awoodda gaar ah, cilmiga guud iyo cilmiga gaarka ah, xooog aan dhammaan iyi xasilooni joogta ah ayaan kuu rajaynayaa saaxiib..
(Waydiinta aan bilowga fariinta ku xusay jawaabta aad u hesho waxaasi wax walba ay yihiin ku dhaganow saaxiib)
Ka: saaxiibaddaa Xafsa.
Jawaabtii dhambaalka kowaad
Salaama saaxiib Hafsaay...
Ma ogtahay xafsaay su'aasha ku bilaabantay dhambaalkan aadka u quruxda badan inay buur igala cuslaatay! Haa, Aniga ayaa naftayda dib isugu noqday, oo xattaa muran badan ku abuurmay. Waxan is-ku warsaday suldaanoow horta nolosha maxaa adi kuu qaabeeya? Waxan ogaaday inaan intaba ii qaabeeyaan Nolosha. Oo sidee baana nolol aan jacayl ku jirin u noolaan lahayn, oo sideebaana muusiiggu u jeclaadeen, quruxdana waaba waxa qaabeeya nolosha. Bal kawarran caalam bilaa buugaag ah sida ay u ekaan lahayd? Hadaynaan ruuxda ka sheekayneen maba ogaaneen inaynnu jirno, inagoo og wiliba inayna ruuxda u war hayn haddana wannu is-waydiinnaa.
Xafsaay saaxiib, jawaabta halka sadar ee u horraysa ma ogtahay inay wakhti badan naftayda dib ugu celisay waxbadanna aan naftayda ka bartay oo aana hore u aqoon.. se wili intaba waanjeclahay oo nolosha way igu bilaan se midkaan kasii qaadan lahaa oo noloshu si gaar ah iigu jidaysay garan maayo.. waan dhashay anoo aan waxba jeclayn kadibna waan koray anoo isla sidii ah. Maan dooran waxbadan oo waxba ka igama waydiin waxaa ii xeeiriyey dhaqanka igu wareegsan, se naftaydu waxbay leedahay waxaas baa nolosha kuu qaabeeya ee baar, se haddana ma awoodo.
Ma ogtahay saaxiib hal su'aal inay buug dhan noqon karto? Haa, dabcan oo su'aalaha qaar baaba ka awood badan maqaal dhan oo bogog badan ah.. saaxiib nolosha waa wajiyo badantahay, waynna gadgaddoon badan tahay, qofka aan mawjadda aduunka ka talabsanna way qaaddaa oo badwayn bay gaysaa. Haa, ma rabno inaan nolosha ku qarqanno. Waxaynu rabnaa nolol dhaldhalaal leh, nolol aynnu inagu jihayno ee mid iyadu ina jihaysa ma rabno..
Saaxiib Hafsaay, nolasha kuwa aan u soo rafaadin oo aan hogag waawayn ugu soo dhicin, macanha iyo humaagga dhabta ee nolasha ma garan karaan. Haa, kuwa soo kufay ee nolosha soo ciilaysay oo xattaa ay dili gaadhay aakhrika, waa kuwa nolosha dhabta ah badhaadhaheeda qaata oo ku leda.
"Waxkasta waxay ku dhacaan sabab waxyna u dhacaan sabab" odhaahdaas waa falsaddii u gaarka ahayd josephine. (Filibiinadii jaaryadda ka ahayd guriga kuwaytiga ee marka danbe ciise dhali doonta isagoo sita laba dhalasho). Haddii aynaan asbaabta markasta agteenna ka dhacaya aynaan wax ka baran, ka baran mayno nolosha hal ciddi wax la eg amaba aan dhahee hal xabbo oo kaneeca in la'eg.
Waxan waxka bartay buugta, waa saaxiibka kaliya ee ii baray macnaha dhabta ah ee nolosha. Haa, shan sanno ka hor maan ahayn sida hadda aan ahay. Uma furfurnayn sida aan hadda ahay, manalahayn saaxiibbo badan oo adoo kale ah oo nolosha noo qurxiya. Haa, waxan ahaa qof iska nool. Maalmaha qaar waxan isku mashquliyaa sida aan waagaas u noolaa iyo sida aan hadda u noolahay inay laba adduun kala tahay. Saaxiib kuwa ballanta dadka iyo ballanta Eebbana marwalba oofiya waa kuwa baraaraha nolosha ku dul sabbeeya.
Waan dheereeyey qoraalka saaxiib ii cudurdaar. Waan kabaxay! se waxan kugu dhaafayaa "nolosha yeyna ku jihayn oo kuu doorin waxaad rabto, ee adigu dooro jihayna nolosha" Waad guulaysan waana qaacidada aan anigu naftayda kula daala dhacayo si aan mar uun anigu hoggaanka ugu qabto nolosha.
Ma ogtahay xafsaay su'aasha ku bilaabantay dhambaalkan aadka u quruxda badan inay buur igala cuslaatay! Haa, Aniga ayaa naftayda dib isugu noqday, oo xattaa muran badan ku abuurmay. Waxan is-ku warsaday suldaanoow horta nolosha maxaa adi kuu qaabeeya? Waxan ogaaday inaan intaba ii qaabeeyaan Nolosha. Oo sidee baana nolol aan jacayl ku jirin u noolaan lahayn, oo sideebaana muusiiggu u jeclaadeen, quruxdana waaba waxa qaabeeya nolosha. Bal kawarran caalam bilaa buugaag ah sida ay u ekaan lahayd? Hadaynaan ruuxda ka sheekayneen maba ogaaneen inaynnu jirno, inagoo og wiliba inayna ruuxda u war hayn haddana wannu is-waydiinnaa.
Xafsaay saaxiib, jawaabta halka sadar ee u horraysa ma ogtahay inay wakhti badan naftayda dib ugu celisay waxbadanna aan naftayda ka bartay oo aana hore u aqoon.. se wili intaba waanjeclahay oo nolosha way igu bilaan se midkaan kasii qaadan lahaa oo noloshu si gaar ah iigu jidaysay garan maayo.. waan dhashay anoo aan waxba jeclayn kadibna waan koray anoo isla sidii ah. Maan dooran waxbadan oo waxba ka igama waydiin waxaa ii xeeiriyey dhaqanka igu wareegsan, se naftaydu waxbay leedahay waxaas baa nolosha kuu qaabeeya ee baar, se haddana ma awoodo.
Ma ogtahay saaxiib hal su'aal inay buug dhan noqon karto? Haa, dabcan oo su'aalaha qaar baaba ka awood badan maqaal dhan oo bogog badan ah.. saaxiib nolosha waa wajiyo badantahay, waynna gadgaddoon badan tahay, qofka aan mawjadda aduunka ka talabsanna way qaaddaa oo badwayn bay gaysaa. Haa, ma rabno inaan nolosha ku qarqanno. Waxaynu rabnaa nolol dhaldhalaal leh, nolol aynnu inagu jihayno ee mid iyadu ina jihaysa ma rabno..
Saaxiib Hafsaay, nolasha kuwa aan u soo rafaadin oo aan hogag waawayn ugu soo dhicin, macanha iyo humaagga dhabta ee nolasha ma garan karaan. Haa, kuwa soo kufay ee nolosha soo ciilaysay oo xattaa ay dili gaadhay aakhrika, waa kuwa nolosha dhabta ah badhaadhaheeda qaata oo ku leda.
"Waxkasta waxay ku dhacaan sabab waxyna u dhacaan sabab" odhaahdaas waa falsaddii u gaarka ahayd josephine. (Filibiinadii jaaryadda ka ahayd guriga kuwaytiga ee marka danbe ciise dhali doonta isagoo sita laba dhalasho). Haddii aynaan asbaabta markasta agteenna ka dhacaya aynaan wax ka baran, ka baran mayno nolosha hal ciddi wax la eg amaba aan dhahee hal xabbo oo kaneeca in la'eg.
Waxan waxka bartay buugta, waa saaxiibka kaliya ee ii baray macnaha dhabta ah ee nolosha. Haa, shan sanno ka hor maan ahayn sida hadda aan ahay. Uma furfurnayn sida aan hadda ahay, manalahayn saaxiibbo badan oo adoo kale ah oo nolosha noo qurxiya. Haa, waxan ahaa qof iska nool. Maalmaha qaar waxan isku mashquliyaa sida aan waagaas u noolaa iyo sida aan hadda u noolahay inay laba adduun kala tahay. Saaxiib kuwa ballanta dadka iyo ballanta Eebbana marwalba oofiya waa kuwa baraaraha nolosha ku dul sabbeeya.
Waan dheereeyey qoraalka saaxiib ii cudurdaar. Waan kabaxay! se waxan kugu dhaafayaa "nolosha yeyna ku jihayn oo kuu doorin waxaad rabto, ee adigu dooro jihayna nolosha" Waad guulaysan waana qaacidada aan anigu naftayda kula daala dhacayo si aan mar uun anigu hoggaanka ugu qabto nolosha.
Guulayso saaxiib hafsaay...
Ka: Suldaankii miskiinka ahaa.
Ka: Suldaankii miskiinka ahaa.
"Nolosha yeyna ku jihayn oo kuu doorin waxaad rabto, ee adigu dooro jihayna nolosha"
ReplyDelete.كلام من ذهب
Mahadsanid ustaad.
DeleteSuldaankii miskiinka ahaa...
ReplyDelete❤
Delete