Galabta wuxuu u soo baxay bal si uu ugu nasto qolkii yaraa ee uu maxbuuska ku ahaa. Afartii gidaar ee nuuradda cadayd ku wareejisnayd qaati buu ka istaagay iyo jiingaddii xumayd ee daxashay. Waxa uu daawanaya quruxda cimilada iyo isbedelka jawigu samaynayo. Wuu ku daalay qolkii yaraa ee aad moodi jirtay qol shaydaan ku lagdamo. Wuxuu aad ula dheegag san quruxdan ay cimiladu isku marxabaynayso. Dabeecaddu waxay inagu bishaa farxad ayuu hoosta kaga nuuxsanaya, se badanka dadka ma garawsana ayuu haddana sii raaciyey gunuunixiisii. Waxaa u daaran heestii Saynab Cige "Kala Dooro Waayaha". Gacanta bidixna waxa uu ku haystaa midh sigaaro oo uu isku dhaafinayo cidlada meesha. Horaba waxay indhahiisu qabanayaan qof muuqiisu u jiro dhowr mitir, una soo socda xagga uu taagan yahay. Waxay indhahiisu sida jugta danabka oo kale halmar ugu dhacay laabta (xabadka) qof aanan wili foolkiisa (wajigiisa) sifiican u muuqan. Waa qurux lagu ladhay qurux, waa jidh kuusan iyo caman aad mooddo buu...
"Waxa kaliya ee aan odhan karo aniga ayay qeexitaan iga bixinaysa waa inaan jeclahay in aan wax barto. Waxa aan ka helaa farxad waxyaabaha cusub. Waxa aan gataa buug ka badan inta aanan akhrin karo ama dhammayn karo" ~Satya Nadella